आमाछोराको उमेर ९ वर्ष अन्तर, ३० वर्षीया महिलासँग २१ वर्षको छोरा !
एक विदेशी महिलाले सामाजिक सञ्जालमा लेखिन्, ‘मलाई ३० वर्ष भयो र मेरो छोरा २१ वर्षको छ ।’ यसरी हेर्दा आमाछोराको उमेर अन्तर ९ वर्ष मात्रै देखिन्छ । सामाजिक सञ्जालमा लेखेको कुरा पढ्नेहरू अचम्भित भए । आमाले ९ वर्षको उमेरमै कसरी छोरा जन्माइन् ? धेरैले अनुमान गर्न थाले ।
अन्तर्राष्ट्रिय सञ्चारमाध्यम द सनमा प्रकाशित रिपोर्टअनुसार ३० वर्षीया केसी डगलसले आफूले बच्चा जन्माउन नचाहेको स्पष्ट पारेकी छन् ।
आफूले बच्चा जन्माउन नचाहेकाले धर्मछोरा पाल्दा आमाछोराको उमेर अन्तर थोरै हुन गएको उनले बताइन् । उनीसँग अरु २ जना १७ र १८ वर्षका छोरा पनि छन् । उनले ती छोरा पनि धर्मछोराकै रूपमा पालेकी छन् । धर्मपुत्रहरू जेठा रेन्डल २१ वर्षीय, टिम १८ वर्षीय र दमोन १७ वर्षीय छन् ।
उनका पति फिलिपको अघिल्लो विवाहबाट जन्मिएका २ छोरी पनि सँगै बस्ने गरेकी छन् ।
धर्मपुत्रका साथमा आफूहरू खुशी रहेका उनले बताएकी छन् तर सामाजिक सञ्जालमा अनेक टिप्पणी भइरहेको छ ।
