सार्वजनिक विदाको विरोधमा माइतीघरमा विरोधसभाको आयोजना

काठमाडाैं । सरकारले दिने गरेको सार्वजनिक विदाको विरोधमा माइतीघरमा विरोधसभाको आयोजना हुँदैछ । सार्वजनिक सरोकार मञ्चले आज विहान ११ बजेदेखि माइतीघरमा विरोधसभाको आयोजना गर्न लागेको जनाइएको छ ।

सरकारले आज जनयुद्ध दिवसमा सार्वजनिक विदा दिएको छ । जनयुद्ध दिवसलगायत अन्य समयमा हुने  गरेका विदाको विरोध जनाउँदै सार्वजनिक सरोकार मञ्चले विरोधसभाको आयोजना गर्न लागेका हुन् ।

बढ्दो बेरोजगारी र आर्थिक रूपमा जर्जर रहेको मूलुकमा एकपछि अर्को गर्दै राज्यशक्तिको दुरूपयोग गर्दै मनलागी सार्वजनिक विदा दिने परिपाटी बढ्दै गएको भन्दै मञ्चले विरोध जनाएका छन् ।

सार्वजनिक विदा दिने सवालमा सरकारको ध्यानाकर्षण गर्ने हेतुले विरोध कार्यक्रम गर्न लागेको मञ्चले जानकारी दिएको छ ।

source:nepalwatch