आफन्तको नाममा सेयर किनेका धितोपत्र बोर्डका अध्यक्ष र नेप्सेका सीईओलाई कारवाही गर्न अर्थ समितिको निर्देशन

काठमाडौं । प्रतिनिधिसभा अन्तर्गतको अर्थ समितिले धितोपत्र बोर्डका अध्यक्ष भिष्मराज ढुंगाना र नेप्सेका सीईओ चन्द्रसिंह साउदले पदीय दुरूपयोग गरी सेयर खरिदमा अनुचित लाभ लिएको ठहर गरेको छ । शुक्रबार सिंहदरबारमा बसेको समितिको बैठकले आफन्तको नाममा सेयर किनेर पदको दुरुपयोग गरेको ठहरसहित दुवैजनामाथि कारवाही गर्न सरकारलाई निर्देशनसमेत दिएको छ । अध्यक्ष ढुंगानाले छोरीका नाममा र साउदले श्रीमतीका नाममा सर्वोत्तम सिमेन्टको सेयर किनेको सार्वजनिक भएपछि अर्थ समितिले उनीहरू दुवैलाई छलफलका लागि बोलाएका थिए । छलफलमा ढुंगानाले बिहे भएर गएकी छोरीको नाममा सेयर किनेको र साउदले आफू नेपाली नागरिक भएकोले कानूनले सेयर किनबेचमा रोकतोक नगर्ने जिकिर गरेका थिए । शुक्रबार सिंहदरबारमा बसेको समितिको बैठकमा सांसद रामकुमारी झाक्रीले यसरी पदाधिकारीले नै इनसाइडर ट्रेडिङ गर्ने गरेकाले ढुंगाना र साउदको राजीनामा माग गरिन् ।यस विषयमा छानविनको लागि अर्थमन्त्रालयले अर्थसचिव मधुकुमार मरासिनी र सहसचिव दीर्घराज मैनाली सम्मिलित छानविन समितिसमेत गठन गरेको छ ।  Source: nepalpress

0 0 vote
Article Rating
Subscribe
Notify of
guest
0 Comments
Inline Feedbacks
View all comments

♡ सुन्दर नेपाल सबै ...

पोखरा ताल

अन्नपूर्ण हिमालय

लुम्बिनी


0
Would love your thoughts, please comment.x
()
x